എക്സ്യുവി 300യുടെ ഡീസൽ എഎംടി പതിപ്പുമായി മഹീന്ദ്ര.

മഹിന്ദ്ര തങ്ങളുടെ പുതിയ സുബികോംപാക്ട് എസ്യുവിയായ മഹീന്ദ്ര എക്സ്യുവി 300 യുടെ എഎംടി പതിപ്പിനെ പുറത്തിറക്കി, 11.50 മുതൽ Rs. 12.70 ലക്ഷം രൂപ വരെയാണ് എക്സ്-ഷോറൂം ഡൽഹി വില. ഡീസൽ എഞ്ചിൻ എൻജിനിൽ ഡബ്ല്യു 8, ഡബ്ല്യു 8 (ഒപ്ഷനാൽ) ട്രിമ്മുകളിൽ ഇത് ലഭ്യമാണ്. എ‌എം‌ടി പതിപ്പിന് അതത് മാനുവൽ വേരിയന്റുകളേക്കാൾ 55,000 / - രൂപയാണ് വർദ്ധനവ് . പേൾ വൈറ്റ്, അക്വാമറൈൻ, റെഡ് റേജ് എന്നിങ്ങനെ മൂന്ന് നിറങ്ങളിൽ മഹീന്ദ്ര എക്സ്യുവി 300 എഎംടി ലഭ്യമാണ്.

മാനുവൽ വേരിയന്റുകളിൽ നിന്നുള്ള എല്ലാ ഫീച്ചറുകളും എഎംടി പതിപ്പിലും അതേപാടി നിലനിർത്തിയിട്ടുണ്ട്, കൂടാതെ ഇലക്ട്രോണിക് സ്റ്റെബിലിറ്റി കണ്ട്രോൾ, കിക്ക്-ഡൗൺ ഷിഫ്റ്, ഡൗൺ ഹിൽ മോഡ് എന്നീ സംവിധാനങ്ങൾക് പുറമേ ഫസ്റ്റ്, റിവേഴ്സ് ഗിയറുകളിൽ ത്രോട്ടിൽ ഇൻപുട്ട് ഇല്ലാതെ വാഹനം നീക്കാൻ  വെഹിക്കിൾ ക്രീപ്പ് സിസ്റ്റവും ലഭ്യമാക്കിയിട്ടുണ്ട്.

1.5 ലിറ്റർ, 4-സിലിണ്ടർ, ടർബോ ഡീസൽ എഞ്ചിൻ 116.6 പി‌എസും 300 എൻ‌എം ടോർക്കുമാണ് ഉത്പാദിപ്പിക്കുന്നത് ന്. ഇറ്റാലിയൻ ഓട്ടോമോട്ടീവ് പാർട്സ് നിർമാതാക്കളായ  മരേലിയിൽ നിന്നാണ് എഎംടി ലഭ്യമാക്കുന്നത്. മാരുതി വിറ്റാര ബ്രെസ്സ, ടാറ്റ നെക്സൺ, ഹ്യുണ്ടായ് വെന്യൂ തുടങ്ങിയ  ഈ സെഗ്‌മെന്റിലെ മറ്റ് ഓട്ടോമാറ്റിക് എസ്‌യുവികളുമായിട്ടാവും എക്‌സ്‌യുവി300 എഎംടി പതിപ്പിന്റെ മത്സരം.

RELATED STORIES