2020 ഡിസംബറിലാണ് നിസ്സാൻ മാഗ്‌നൈറ്റ് ആദ്യമായി വിൽപ്പനയ്‌ക്കെത്തിയത്

ചെന്നൈയ്ക്ക് സമീപമുള്ള ഒറഗഡം പ്ലാന്റിൽ നിന്ന് നിസാൻ തങ്ങളുടെ മാഗ്‌നൈറ്റ് എസ്‌യുവിയുടെ 50,000-മത്തെ യൂണിറ്റ് പുറത്തിറക്കി. ഇന്ത്യൻ വിപണിയിൽ നിസാന്റെ ടേൺ എറൗണ്ട് ഉൽപ്പന്നമായ മാഗ്‌നൈറ്റ് എസ്‌യുവി നിലവിൽ പ്രാദേശികമായി വിൽക്കുന്നതിനൊപ്പം 15-ലധികം ആഗോള വിപണികളിലും വിൽക്കുന്നുണ്ട്.

2020 ഡിസംബറിലാണ് നിസ്സാൻ മാഗ്‌നൈറ്റ് ആദ്യമായി വിൽപ്പനയ്‌ക്കെത്തിയത്, ലോഞ്ച് ചെയ്‌തതിനുശേഷം നിസ്സാൻ ഷോറൂമുകളിൽ കൂടുതൽ ആവശ്യക്കാരെ എത്തിക്കുന്നതിൽ എസ്‌യുവി പ്രധാന പങ്കുവഹിച്ചു, ലോഞ്ച് സമയത്ത് മോഡലിന്റെ 4.99 ലക്ഷം രൂപ എന്ന പ്രാരംഭ വിലയായ മാഗ്‌നൈറ്റിനെ ഏറെ ശ്രദ്ധേയമാക്കിയത്. മാഗ്‌നൈറ്റ് 72 എച്ച്‌പി കരുത്തുള്ള 1.0-ലിറ്റർ നാച്യുറലി അസ്പിറേറ്റഡ് പെട്രോൾ എഞ്ചിനുമായോ, അല്ലെങ്കിൽ 100 ​​എച്ച്‌പി കരുത്തുള്ള 1.0-ലിറ്റർ ടർബോ പെട്രോൾ എഞ്ചിനുമായും ലഭ്യമാണ്. രണ്ട് എഞ്ചിൻ ഓപ്ഷനുകൾക്കും 5-സ്പീഡ് മാനുവൽ ഗിയർബോക്സ് സ്റ്റാൻഡേർഡായും ടർബോ-എൻജിൻ മോഡലിൽ CVT ഗിയർബോക്സ് ഓപ്‌ഷണലായും ലഭിക്കുന്നു.

ഒറഗഡത്തെ റെനോ-നിസ്സാൻ കൂട്ടുകെട്ടിന്റെ പ്ലാന്റ് മാഗ്‌നൈറ്റിന്റെ മാതൃ പ്ലാന്റാണ്, ഒപ്പം റെനോയുടെ കൈഗർ ഇന്ത്യയ്ക്കും കയറ്റുമതി വിപണികൾക്കുമായി ഇവിടെയാണ് നിർമിക്കുന്നത്. മാഗ്‌നൈറ്റിന് വേണ്ടിയുള്ള കാത്തിരിപ്പ് കാലയളവ് ക്രമാനുഗതമായി വർദ്ധിച്ചുകൊണ്ടിരിക്കുകയാണ്, ലഭ്യതയെ ആശ്രയിച്ച് ചില വകഭേദങ്ങൾക്ക് നിലവിൽ ഏകദേശം നാല് മാസങ്ങൾ വരെ കാത്തിരിക്കണം.

ആഗോളതലത്തിൽ എസ്‌യുവിക്ക് ഒരു ലക്ഷത്തിലധികം ബുക്കിംഗുകൾ ലഭിച്ചതായി നിസാൻ ഇന്ത്യ പറയുന്നു. അതിന്റെ സുരക്ഷാ ക്രെഡൻഷ്യലുകൾ ചേർക്കുന്നതിന് മാഗ്‌നൈറ്റിന് ഫോർ-സ്റ്റാർ ഗ്ലോബൽ NCAP റേറ്റിംഗും ഉണ്ട്, ഇത് കൂടാതെ മാന്യമായ ഫീച്ചർ ലിസ്റ്റും ഉണ്ട്.

ഇന്ത്യൻ വിപണിയിൽ റെനോ കൈഗർ, മാരുതി സുസുക്കി വിറ്റാറ ബ്രെസ, ടാറ്റ നെക്സൺ, കിയാ സോനെറ്റ്, ഹ്യൂണ്ടായ് വെന്യൂ, മഹിന്ദ്ര XUV3OO, ടൊയോട്ട അർബൻ ക്രൂയിസർ എന്നിവരാണ് മാഗ്‌നൈറ്റിന് പ്രധാന എതിരാളികൾ.

RELATED STORIES