ഇന്ത്യയിൽ 'റെനോ ക്വിഡ്'ന്റെ വിൽപന മൂന്ന് ലക്ഷം പിന്നിട്ടു.

ഇന്ത്യൻ വാഹന വിപണിയിൽ റെനോയുടെ തലവര മാറ്റിയ മോഡലാണ് ക്വിഡ്. 2015ൽ വിപണിയിലെത്തിയ  'ക്വിഡ്'ന്റെ വില്പന ഇപ്പോൾ മൂന്ന് ലക്ഷം യൂണിറ്റുകൾ പിന്നിട്ടിരിക്കുകയാണ്. മാരുതി അടക്കിവാണിരുന്ന എൻട്രി-ലെവൽ സെഗ്മെന്റിലേക്കായിരുന്നു 'ക്വിഡ്'ന്റെ കടന്ന് വരവ്. കുറഞ്ഞ മാസങ്ങള്കൊണ്ട് തന്നെ മികച്ച വിൽപന നേടാൻ  'ക്വിഡ്'ന് സാധിച്ചു. 

നിലവിൽ 0.8-ലിറ്റർ, 1.0-ലിറ്റർ എൻജിൻ ഓപ്ഷനുകളിൽ റെനോ ക്വിഡ് ലഭ്യമാണ്. 0.8-ലിറ്റർ, 799സിസി, 3-സിലിണ്ടർ പെട്രോൾ എൻജിൻ 54 എച്ച്പി കരുത്തും 74 എൻഎം ടോർക്കും ഉത്പാതിപ്പിക്കും. 1.0-ലിറ്റർ, 999 സിസി, 3-സിലിണ്ടർ പെട്രോൾ എൻജിൻ 67 എച്ച്പി കരുത്തും 91 എൻഎം ടോർക്കും ഉത്പാതിപ്പിക്കും. രണ്ട് എഞ്ചിനുകളിലും 5-സ്പീഡ് മാനുവൽ ഗിയർബോക്‌സിനൊപ്പം 1.0-ലിറ്റർ എൻജിനിൽ എഎംടി ഗെർബോക്‌സും ഓപ്ഷണലായി നൽകിയിട്ടുണ്ട്.

ക്വിഡ്, ഡസ്റ്റർ മോഡലുകളുടെ ഫേസ്‌ലിഫ്ട് ഉൾപ്പടെ 'ട്രൈബർ' എന്ന എംപിവി കൂടി അവതരിപ്പിക്കാനൊരുങ്ങുകയാണ് റെനോ. 2020ൽ ഏപ്രിലിൽ നിലവിൽ വരാൻ പോകുന്ന ബിഎസ്-6 ചട്ടങ്ങൾക് പുറമേ പുതിയ സുരക്ഷാ മാനദണ്ഡങ്ങളനുസരിച്ച്ചാവും 'ക്വിഡ്'ന്റെ വരവ്, കൂടാതെ 'ക്വിഡ്'ന്റെ ഒരു ഇലക്ട്രിക്ക് പതിപ്പും ഇന്ത്യയിലേക്കായി റെനോ പരിഗണിക്കുന്നുണ്ട്, 2020 ഓടെ വിപണിയിലെത്തിയേക്കും.

RELATED STORIES